ក្រុមបាល់ទាត់ជម្រើសជាតិកម្ពុជា បានទទួល ៣ពិន្ទុលើកដំបូង នៅ AFF Suzuki Cup 2018 ក្រោយឈ្នះឡាវ ៣-១ នារាត្រីថ្ងៃទី២០ ខែវិច្ឆិកា ឆ្នាំ២០១៨ នេះ។
យ៉ាងណាក្ដី លទ្ធផលនេះ មិនអាចជួយបន្តក្ដីសង្ឃឹមសម្រាប់កម្ពុជា ក្នុងការឈានទៅវគ្គពាក់កណ្ដាលនោះទេ ក្រោយក្រុមមីយ៉ាន់ម៉ា ស្មើ វៀតណាម ០-០។ មានន័យថា កម្ពុជា មានតែ ៣ពិន្ទុប៉ុណ្ណោះ ក្នុង៣ប្រកួត ខណៈមីយ៉ាន់ម៉ា និងវៀតណាម មាន ៧ពិន្ទុដូចគ្នា ដូច្នេះ១ប្រកួតដែលនៅសល់ ទោះកម្ពុជាឈ្នះ ក៏មិនអាចស្ថិតក្នុងចំណោមក្រុមកំពូលទាំង២ ក្នុងពូល A បានដែរ។
ចាន់ វឌ្ឍនាកា អបអរក្រោយស៊ុតបញ្ចូលទី
សូមបញ្ជាក់ថា ៣គ្រាប់របស់កម្ពុជា រកបានដោយ ចាន់ វឌ្ឍនាកា (នាទី ១៨), ប្រាក់ មុន្នីឧត្ដម (ប៉េណាល់ទី នាទី ៣៦) និងកែវ សុខផេង (នាទី ៧៧) រីឯ១គ្រាប់សងវិញរបស់ក្រុមភ្ញៀវ រកបានដោយកីឡាករ Somxay Keohanam (នាទី ៧៦)។
ប្រកួតចុងក្រោយ ដែលជាការប្រកួតបង្រ្គាប់កិច្ចរបស់កម្ពុជា គឺកម្ពុជា ប៉ះវៀតណាម នៅទឹកដីវៀតណាម នាថ្ងៃទី២៤ ខែវិច្ឆិកា ឆ្នាំ២០១៨៕
សូមទស្សនាទិដ្ឋភាពមួយចំនួនទៀតនៃការប្រកួតនេះ ដូចខាងក្រោម៖
អត្ថបទ៖ សុខ សុវត្ថិ
No comments:
Post a Comment