យន្តហោះចម្បាំង២គ្រឿងម៉ាក F-15 របស់ប្រទេសអ៊ីស្រាអែល បានទម្លាក់មីស៊ីលចំនួន៨គ្រាប់ដាក់មូលដ្ឋានទ័ពអាកាស T-4 របស់ស៊ីរី កាលពីម្សិលមិញ។ នេះជាការបញ្ជាក់របស់ក្រសួងការពារជាតិប្រទេសរុស្ស៊ី។
យន្តហោះចម្បាំង F-15/ ប្រភពរូប៖ EPA-EFE
ក្រសួងការពារជាតិរុស្ស៊ី បញ្ជាក់បន្ថែមថា ប្រព័ន្ធការពារអាកាសស៊ីរីបានបាញ់កម្ទេចមីស៊ីលរបស់អ៊ីស្រាអែលចំនួន ៥គ្រាប់ តែនៅសល់ ៣គ្រាប់ដែលបាញ់មិនបាន ហើយធ្លាក់ត្រូវភាគខាងលិចនៃមូលដ្ឋានទ័ពអាកាសតែម្ដង។ យ៉ាងណាមិញ រុស្ស៊ីប្រាប់ថា មិនមានយោធារុស្ស៊ីនៅទីនោះរងរបួសឡើយ។
ទូរទស្សន៍អារ៉ាប់ AI Arabiya បានឲ្យដឹងថា ការវាយប្រហារនេះមានមនុស្សស្លាប់យ៉ាងហោចណាស់ចំនួន ១៤នាក់ ដោយក្នុងនោះមានយោធាស៊ីរីប្រមាណជា ៥-៦នាក់។
សូមរំលឹកថា កាលពីថ្ងៃទី៩មេសា សារព័ត៌មានស៊ីរីឈ្មោះ SANA បានចុះផ្សាយថា មូលដ្ឋានទ័ពអាកាស T-4 របស់ប្រទេសខ្លួនរងការវាយប្រហារពីប្រភពមិនស្គាល់មួយ។ សារព័ត៌មានដដែល បានប៉ាន់ស្មានថា នេះទំនងជាទង្វើរបស់សហរដ្ឋអាមេរិក ព្រោះលោក ដូណាល់ ត្រាំ ទើបធ្វើការព្រមានចំៗទៅលើស៊ីរីចំពោះរឿងប្រើប្រាស់អាវុធគីមីសាជាថ្មីដែលបណ្ដាលឲ្យប្រជាពលរដ្ឋស្លាប់និងរបួសជាច្រើននាក់៕
អត្ថបទពាក់ព័ន្ធ៖
No comments:
Post a Comment