Stéphanie Frappart នឹង​ក្លាយ​ជា​ស្ត្រី​ដំបូង​គេ​ដែល​ធ្វើ​ជា​អាជ្ញាកណ្ដាល​ក្នុង​ការ​ប្រកួត​របស់​បុរស​ដ៏​ធំ​នៅ​អឺរ៉ុប សម្រាប់​ពាន​ Super Cup រវាង Liverpool និង Chelsea នៅ​អ៊ីស្តាល់ប៊ុល នៅ​ថ្ងៃទី​១៤ ខែ​សីហា។​

អ្នកស្រី​អាជ្ញាកណ្ដាល​​​វ័យ​៣៥​ឆ្នាំ​សញ្ជាតិ​បារាំង​នឹង​អម​ដោយ​ជំនួយការ​ជា​ស្រ្តី​២​នាក់​ទៀត នៅ​​លើ​ទីលាន​កីឡដ្ឋាន Besiktas Park ប៉ុន្តែ​អ្នកស្រី​អាជ្ញាកណ្ដាល​ទាំង​៣​នាក់​នឹង​​គាំទ្រ​ដោយ​មន្រ្តី​ទី​៤ និង មន្ត្រី VAR សុទ្ធ​សឹង​តែ​​ជា​បុរស។

តាម​ពិត​អ្នកស្រី​មិនមែន​ជា​ស្ត្រី​ទី​១ ទេ​ដែល​ត្រូវ​បាន​បាន Uefa ចាត់តាំង​ឱ្យ​កាត់សេចក្ដី​ក្នុង​ការ​ប្រកួត​របស់​បុរស ជាក់ស្ដែង​អ្នកស្រី Nicole Petignat ជនជាតិ​ស្វីស​បាន​​​បាន​​ធ្វើ​ជា​អាជ្ញាកណ្ដាល​ស្រី​សម្រាប់​ការ​ប្រកួត​បុរស​​របស់​ពាន Uefa Cup ៣​ដង​​ចន្លោះ​ឆ្នាំ ២០០៤ ដល់ ២០០៩ គ្រាន់​តែ​អ្នកស្រី Stéphanie Frappart គឺ​ជា​ស្រ្តី​ដំបូង​គេ​បង្អស់​ដែល​ធ្វើ​ជា​អាជ្ញាកណ្ដាល​ក្នុង​ការ​ប្រកួត​ដ៏​សំខាន់​បំផុត​នៅ​​អឺរ៉ុប៕

រញ្ជួយ​ដី​រង្វាស់ ៧រ៉ិចទ័រ បាន​កើតឡើង​នៅជិត​កោះស៊ូម៉ាត្រា នៃ​ប្រទេស​ឥណ្ឌូណេស៊ី នៅយប់​ថ្ងៃទី២ ខែសីហា ឆ្នាំ​២០១៩នេះ ដែល​បណ្តាល​ឱ្យ​មានការព្រមាន​ពីការកើតឡើងនូវរលកស៊ូណាមិ​កម្ពស់ដល់ ៣ម៉ែត្រ។ អាជ្ញាធរ​បាន​ចេញ​សេចក្តីប្រកាសពីការព្រមាននេះ ហើយ​បញ្ជាឱ្យ​ប្រជាជន​ជម្លៀសចេញពីផ្ទះ​របស់ខ្លួន។

រញ្ជួយដីនេះ បានកើតឡើង​នៅចម្ងាយ ២២៧​គីឡូម៉ែត្រ​ពី​ទីក្រុង Teluk Betung នៅលើ​កោះស៊ូម៉ាត្រា ដោយ​មានជម្រៅ ៥៩គីឡូម៉ែត្រ។

មន្រ្តី​ឥណ្ឌូណេស៊ី បាន​ប្រាប់ AFP ថា មាន​តំបន់​មួយចំនួន​កំពុង​ស្ថិតក្នុងការគំរាម​កំហែងយ៉ាង​ធ្ងន់ធ្ងរ​ពី​ស៊ូណាមិ។ «យើង​កំពុង​រង់ចាំ​រាយការណ៍​ពីការខូចខាត​នៃរញ្ជួយដីនេះ»៕