(Update) រឿងរ៉ាវត្រូវរង្វាន់ឡានពី Oishi ម្ចាស់រង្វាន់ពិតប្រាកដ មិនមែនអ្នកបង្ហោះ Facebook នោះទេ

By kamsan2free 12 June 2018

Share Tweet Share Pin Email

បន្ទាប់ពីសមត្ថកិច្ចហៅបុរស៣នាក់ដែលម្នាក់ជាថៅកែហាង និង២នាក់ទៀតជាកម្មករ (មានម្នាក់ជាជនពិការ) មកសួរនាំករណីបុរសជាកម្មករម្នាក់ចោទថាថៅកែស៊ីដាច់រង្វាន់ឡានរបស់ខ្លួន ដែលយកគម្របដបទៅផ្ញើរព្រោះបារម្ភពីសុវត្ថិភាពរួចមក ស្រាប់តែពេលនេះថៅកែហាង ឈ្មោះ ស៊ិន ម៉ៅ បានដាក់ពាក្យប្តឹងទៅបុរសឈ្មោះ ហែម និមល ពីបទបរិហាកេរ្តិ៍ មួលបង្កាច់ថៅកែខ្លួនឯង ហើយអ្នកដែលត្រូវរង្វាន់ពិតប្រាកដគឺជាបុរសពិការម្នាក់ធ្វើការជាមួយគ្នា។

លោក ស៊ិន ម៉ៅ ថៅកែហាងរូបនោះបានរៀបរាប់លើ Facebook ថា៖ “សូមបងប្អូនជ្រាបអ្នកត្រូវពិតនឹងមិនពិតកំពង់នៅលើដៃប៉ូលីសហើយ ចំណែកកំរបដបក៏ខ្ញុំប្រគល់អោយប៉ូលីសដែរ ចំណែកអ្នកPostថាខ្ញុំយកក្រវឹលទៅបើកសុីដាច់គេនោះ ជាពាក្យកុហកមួលបង្កាច់ទេ ហើយខ្ញុំក៏កំពង់ប្តឹងសមត្ថកិច្ចអោយរកខុសត្រូវផងដែរ”។

គួរបញ្ជាក់ផងដែរថា បើតាមការរៀបរាប់របស់លោក ស៊ិន ម៉ៅ ដដែលបានបន្តអោយដឹងថា តាមពិតទៅបុរសឈ្មោះ ហែម និមល និង បុរសពិការម្នាក់ទៀត បានទៅទិញភេសជ្ជៈ Oishi ម្នាក់មួយដប ហើយបុរសពិការជាអ្នកត្រូវរង្វាន់ពិត ហើយថានឹងចែកអោយឈ្មោះ​ ហែម និមល ខ្លះ។ ប៉ុន្តែប៉ុន្មានថ្ងៃក្រោយមកឈ្មោះ ហែម និមល សុំចែកម្នាក់ពាក់កណ្តាល ហើយគេមិនព្រម ក៍បង្កើតរឿងមួលបង្កាច់ចង់បានតែ២នាក់ប្តីប្រពន្ធទៅ ដោយបង្ខូចដល់ឈ្មោះថៅកែថាចង់ស៊ីដាច់រង្វាន់។ ទោះជាយ៉ាងណា រឿងនេះមិនទាន់បញ្ចប់ឡើយ រងចាំការដោះស្រាយពីសមត្ថកិច្ចជាបន្តទៀត៕