ថ្មីៗនេះ ក្រុម ISIS បានបញ្ចេញរូបភាពជាច្រើន ដោយព្រមានពីការវាយប្រហារនៅក្នុងព្រឹត្តិការណ៍ FIFA World Cup នៅប្រទេសរុស្ស៊ី។ ក្នុងនោះ ISIS បានបង្ហាញរូបភាពកាត់តមួយសន្លឹក បង្ហាញពីការប្រហារជីវិតកីឡាករ Lionel Messi នៅមុខអ្នកគាំទ្រពេញកីឡដ្ឋាន។
រូបភាពទី១ បង្ហាញពីការសម្លាប់ Messi ដោយ ISIS នៅមុខទស្សនិកជនជាច្រើននាក់
ក្នុងរូបភាពនោះ ISIS សរសេរពាក្យមួយឃ្លា ដោយប្រាប់ដល់ក្រុមរបស់ខ្លួនឲ្យត្រៀមខ្លួនរួចជាស្រេច "សម្រាប់ការប្រមាញ់ ដែលខិតជិតមកដល់ក្នុងពេលឆាប់ៗខាងមុខនេះ"។
រូបភាពទី២ បង្ហាញពីការកំណត់គោលដៅរបស់ ISIS នៅកីឡដ្ឋាននានា ដែលរៀបចំព្រឹត្តិការណ៍ World Cup
ចំណែករូបភាពមួយសន្លឹកទៀត បង្ហាញពីការកំណត់គោលដៅរបស់ ISIS នៅកីឡដ្ឋាននានា ដែលរៀបចំព្រឹត្តិការណ៍ World Cup ។ រីឯរូបភាពទី៣ បង្ហាញពីសកម្មជនម្នាក់ កាន់គ្រាប់បែក ចូលក្នុងទីលានប្រកួត ដោយមានភ្លើងឆេះ ជាមួយពាក្យថា "សម្លាប់ពួកគេទាំងអស់"។
រូបភាពទី៣ បង្ហាញពីសកម្មជនម្នាក់ កាន់គ្រាប់បែក ចូលក្នុងទីលានប្រកួត ដោយមានភ្លើងឆេះ
សូមបញ្ចាក់ថា កាលពីខែឧសភាកន្លងទៅ ISIS ក៏បានបញ្ចេញរូបភាពកាត់ក្បាល Messi និង Cristiano Ronaldo ផងដែរ។
កាលពីថ្ងៃទី១៥ ខែមិថុនា ក្រសួងការបរទេសអាមេរិក បានអះអាងថា អំពើភេរវកម្មអាចកើតមានឡើងគ្រប់ពេលវេលានៅក្នុងកីឡដ្ឋាន ដែលត្រូវរៀបចំព្រឹត្តិការណ៍ FIFA World Cup 2018 ។ ក្រសួងការបរទេសអាមេរិក ក៏បានអំពាវនាវឲ្យពលរដ្ឋអាមេរិក ដែលមានបំណងធ្វើដំណើរទៅចូលរួម World Cup នៅប្រទេសរុស្ស៊ី មានការពិចារណាសាឡើងវិញផងដែរ ដោយសារការគំរាមកំហែងភេរវកម្ម ក៏ដូចជាកត្តារំខាន និងការជំរិតទារប្រាក់ពីមន្ត្រីរុស្ស៊ីជាដើម៕
No comments:
Post a Comment