លោក Ben Lecomte បានត្រៀមខ្លួនរួចជាស្រេចក្នុងការហែលទឹក ឆ្លងមហាសមុទ្រប៉ាស៊ីហ្វិក ដើម្បីបំបែកកំណត់ត្រាចាស់របស់ខ្លួន ទោះបីជាអាចប្រឈមមុខនឹងឧបសគ្គផ្សេងៗ ដូចជា ត្រីឆ្លាម បណ្ដុំសំរាមអណ្ដែតលើទឹកដែលមានទំហំស្មើរដ្ឋតិចសាស និងរលកធំៗក៏ដោយ។
លោក Ben Lecomte (រូបថត៖ seeker)
លោក Lecomte នឹងហែលក្នុងចម្ងាយប្រហែល ៩ពាន់គីឡូម៉ែត្រ ចាប់ពីប្រទេសជប៉ុន រហូតដល់សហរដ្ឋអាមេរិក ដើម្បីក្លាយជាអ្នកហែលទឹកទីមួយក្នុងលោក ដែលហែលឆ្លងមហាសមុទ្រប៉ាស៊ីហ្វិក។ ការហែលទឹកនេះ ត្រូវគេរំពឹងថា នឹងប្រើប្រាស់ពេលលើសពី ៦ខែ។
បេសកកម្មរបស់បុរសដែលមានដើមកំណើតនៅបារាំង និងបច្ចុប្បន្នកំពុងរស់នៅអាមេរិកខាងលើ គឺជាផ្នែកមួយនៃដំណើរផ្សងព្រេង និងជាការស្រាវជ្រាវផ្នែកវិទ្យាសាស្ត្រ ដើម្បីបង្កើនការយល់ដឹងអំពីការបំពុលទឹកសមុទ្រ។ លោក Lecomte មានគ្នា ៨នាក់ផ្សេងទៀត តាមអមដំណើរដោយទូក១គ្រឿងផងដែរ។
Lecomte វ័យ៥១ឆ្នាំ នឹងចាប់ផ្ដើមហែលទឹកផ្សងព្រេងចាប់ពីថ្ងៃទី៥ ខែមិថុនា ឆ្នាំ២០១៨ បន្ទាប់ពីរៀបចំគម្រោងអស់រយៈពេល ៧ឆ្នាំ។ លោកនឹងហែលទឹក ៨ម៉ោងក្នុងមួយថ្ងៃ ហើយឈប់សម្រាក ដើម្បីទទួលទានអាហារ និងគេងនៅលើទូក។ ឧបករណ៍ដែលលោកប្រើប្រាស់ជាប់ខ្លួន មានឈុតហែលទឹក បំពង់សម្រាប់ដកដង្ហើម និងស្បែកជើងហែលទឹក។
លោក Lecomte ធ្លាប់ហែលឆ្លងមហាសមុទ្រអាត្លង់ទិច ពីសហរដ្ឋអាមេរិក ទៅកាន់ប្រទេសបារាំង ដោយចាប់ផ្ដើមពី១៦ កក្កដា ដល់ថ្ងៃទី២៥ កញ្ញា ឆ្នាំ២៩៩៨
សូមបញ្ជាក់ថា លោក Lecomte ធ្លាប់ហែលឆ្លងមហាសមុទ្រអាត្លង់ទិច ពីសហរដ្ឋអាមេរិក ទៅកាន់ប្រទេសបារាំង ដោយចាប់ផ្ដើមពី១៦ កក្កដា ដល់ថ្ងៃទី២៥ កញ្ញា ឆ្នាំ១៩៩៨៕
No comments:
Post a Comment