សម្តេច ហ៊ុន សែន បានថ្លែងអះអាងថា កាលពីថ្ងៃទី៧ ខែមេសា ឆ្នាំ២០១៨ម្សិលមិញ មានអ្នកប៉ុនប៉ងលួច Hack ចូលហ្វេសប៊ុករបស់សម្តេច ប៉ុន្តែ Hack មិនបានឡើយ ហើយសម្តេចបានផ្លាស់ប្តូរលេខសម្ងាត់ (Password) រួចហើយកាលពីយប់មិញ។ ការថ្លែងនេះ ក្នុងពិធីសំណេះសំណាលជាមួយតំណាងកម្មករជាង ៤ពាន់នាក់នៅកោះពេជ្រ នាព្រឹកថ្ងៃទី៨ ខែមេសា ឆ្នាំ២០១៨។
សម្តេច ហ៊ុន សែន ថ្លែងក្នុងអំឡុងពេលជួបសំណេះសំណាលជាមួយកម្មករនាពេលកន្លងមក
ទោះជាយ៉ាងណា សម្តេច ហ៊ុន សែន មិនបានបញ្ចេញអត្តសញ្ញាណអ្នកប៉ុនប៉ង Hack ហ្វេសប៊ុករបស់សម្តេចនោះទេ ដោយគ្រាន់តែនិយាយថា «ពួកចោរ Hack នេះ គឺគ្មានអ្នកណាក្រៅពីក្រុមនឹងទេ»។
សម្តេចនាយករដ្ឋមន្រ្តីបានបន្តថា បច្ចុប្បន្នហ្វេសប៊ុកសម្តេច ជាប់លំដាប់ថ្នាក់លេងរៀងទី១០ នៅលើពិភពលោក ដែលមានអ្នក Like ចំនួនជាង ៩,៧លាននាក់។ សម្តេចថា លេខ១ គឺលោក បារ៉ាក់ អូបាម៉ា មានជាង ៥៥ លាននាក់ ប្រធានាធិបតីឥណ្ឌាលេខ២ មានចំនួន ៤៣លាននាក់ និងលោក ដូណាល់ត្រាំ ប្រធានាធិបតីអាមេរិក លេខ៣ ចំនួន ២៣លាននាក់ជាដើម៕
ទំព័រហ្វេសប៊ុកសម្តេច ហ៊ុន សែន
No comments:
Post a Comment