ទៅផ្សារអ៊ីអនកុំភ្លេចដាក់កន្ត្រកទៅផង ប្រយ័ត្នអស់លុយមិនដឹងខ្លួន

ផ្សារទំនើបអ៊ីអនបានចេញសេចក្ដីជូនដំណឹងដល់អតិថិជនថា ខ្លួននឹងចាប់ផ្ដើមអនុវត្ត "ការផ្តល់ថង់ប្លាស្ទិកដល់អតិថិជនត្រូវគិតកម្រៃបន្ថែម" ដោយថង់ប្លាស្ទិក១ មានតម្លៃ ១០ សេន។ ការអនុវត្តនឹងចាប់ផ្តើមពីថ្ងៃទី ១០ ខែ មេសា ឆ្នាំ២០១៨ តទៅ សម្រាប់អតិថិជនមកទិញទំនិញនៅផ្សារមួយនេះ។

ការកំណត់ច្បាប់គិតតម្លៃបន្ថែមលើថង់ប្លាស្ទិកធ្វើឡើង ក្រោយប្រកាសដោយអន្តរក្រសួងបរិស្ថាន ក្រសួងសេដ្ឋកិច្ច និងក្រសួងហិរញ្ញវត្ថុ។ អនុក្រឹត្យនេះមានគោលបំណងបង្កើនប្រសិទ្ធភាពលើការកាត់បន្ថយ ការនាំចូល ការផលិត និងការប្រើប្រាស់ថង់ផ្លាស្ទិក ក៏ដូចជាសំដៅកាត់បន្ថយផលប៉ះពាល់សុខភាព និងបរិស្ថាន។

លោក ហេង ណារ៉េត អគ្គនាយកនៃអគ្គនាយកដ្ឋានគាំពារបរិស្ថាន នៃក្រសួងបរិស្ថាន បានបញ្ជាក់ថា ការតម្រូវឲ្យហាងទំនិញ គិតកម្រៃបន្ថែមពីអតិថិជននេះ មិនមែនជាការធ្វើអាជីវកម្ម ដើម្បីរកចំណូលនោះទេ តែជាការពញ្ញាក់ស្មារតី ក៏ដូចជាការអប់រំដល់ប្រជាពលរដ្ឋ ឲ្យគិតគូពីបញ្ហាបរិស្ថាន តាមរយៈការកាត់បន្ថយការប្រើប្រាស់ថង់ប្លាស្ទិក។

គួរជម្រាបថា ការប្រើប្រាស់ថង់ប្លាស្ទិកនៅទីក្រុងភ្នំពេញ មានចំនួនរហូតដល់ទៅ១០លានថង់ជារៀងរាល់ថ្ងៃ។ ហើយថង់ផ្លាស្ទិកដែលត្រូវគេប្រមូលបានតាមរយៈការបោសសំអាតផ្លូវក្នុងទីក្រុងភ្នំពេញដដែល មានប្រមាណ១លាន៧សែនថង់ឯណោះ៕

អត្ថបទ៖ ស៊ិន សាវ៉េត

ទៅផ្សារអ៊ីអនកុំភ្លេចដាក់កន្ត្រកទៅផង ប្រយ័ត្នអស់លុយមិនដឹងខ្លួន

No comments:

Post a Comment

អត្ថបទពេញនិយម

ទៅផ្សារអ៊ីអនកុំភ្លេចដាក់កន្ត្រកទៅផង ប្រយ័ត្នអស់លុយមិនដឹងខ្លួន​

No comments: