របាយការណ៍ចេញចុងក្រោយពីវិបសាយបច្ចេកវិទ្យាល្បីៗដូចជា Neowin, Trustview និង T-Mobile បានឲ្យដឹងថា អ្នកប្រើទូរសព្ទ Samsung ស៊េរីចាស់ៗចាប់ពីឆ្នាំ ២០១៦ ឡើងទៅនៅមានសង្ឃឹមខ្ពស់ អាចអាប់ដេតទៅ Android Oreo បាន។
រូបតំណាង
ស៊េរីទូរសព្ទទាំងនោះមានដូចជា Galaxy S6, Galaxy S6 Edge, Galaxy S6 Edge Plus និង Galaxy Note 5 ដែលមានលេខម៉ូឌែលផ្សេងៗគ្នានៅក្នុងបញ្ជីដែល Samsung គ្រោងនឹងដាក់ឲ្យអាប់ដេតទៅជំនាន់ចុងក្រោយបាន។ ចំពោះថ្ងៃខែច្បាស់លាស់ នៅមិនទាន់ដឹងនៅឡើយទេ។
ដោយឡែក Galaxy S8 និង S8+ វិញ Samsung បានបញ្ចេញកំណែប្រែ Android 8.0 Oreo តាំងពីថ្ងៃទី ១ ខែកុម្ភៈម្ល៉េះ ចំពោះទូរសព្ទដែលមានលេខម៉ូឌែល G950FXXU1CRAP(S8) និង G955FXXU1CRAP(S8+) សម្រាប់ប្រទេសនៅអឺរ៉ុបដូចជា អាមេរិច អាល្លឺម៉ង់ជាដើម។
ចំណែកនៅអាស៊ី មានតែប្រទេសឥណ្ឌាមួយគត់ដែលអាចឡើងទៅបានឥឡូវនេះ យ៉ាងណាក្ដីវាអាចនឹងមកដល់ប្រទេសក្នុងតំបន់អាស៊ានឆាប់ៗនេះ៕
Oreo
No comments:
Post a Comment