ស្ពានអាកាស និងផ្លូវក្រោមដីនៅតំបន់រង្វង់ចោមចៅ ដែលមានទីតាំងស្ថិតក្នុងសង្កាត់ចោមចៅ ខណ្ឌពោធិសែនជ័យ រាជធានីភ្នំពេញ នឹងត្រូវបើកការដ្ឋានសាងសង់ឡើង នៅអំឡុងបុណ្យចូលឆ្នាំថ្មីប្រពៃណីជាតិខ្មែរខាងមុខ។ នេះបើតាមលោក ម៉េត មាសភក្ដី អ្នកនាំពាក្យសាលារាជធានីភ្នំពេញបានថ្លែងប្រាប់ sabay ។
ចុះឈ្មោះដើម្បីរកលុយតាមរយះ LEGITIMONEY.COM ទទួលលុយបានពិតពិត (សូមចុចអក្សរពណ័ខៀវនេះ) ខ្មែរស្រលាញ់ខ្មែរ
ប្លង់ស្ពានអាកាស នៅចោមចៅ (រូបថត៖ ផេករដ្ឋបាលសាលារាជធានីភ្នំពេញ)
លោកបានបន្ថែមថា ក្រុមការងារបច្ចេកទេសបានសម្រេចជ្រើសរើសប្លង់ចុងក្រោយរួចហើយ ក្នុងចំណោមប្លង់ចន្លោះ ៦ ប្លង់ ទៅ ៧ប្លង់ តាមរយៈកិច្ចប្រជុំ កាលពីថ្ងៃទី១៤ ខែកុម្ភៈ ឆ្នាំ២០១៨ ក្រោមអធិបតីភាពលោក ឃួង ស្រេង អភិបាលល នៃគណៈអភិបាលរាជធានីភ្នំពេញ។ ការសាងសង់ស្ពានអាកាស និងផ្លូវក្រោមដីត្រូវបានធ្វើឡើង ក្នុងគោលបំណងសម្រួលចរាចរណ៍ដល់អ្នកធ្វើដំណើរនៅផ្លូវជាតិលេខ៤ ផ្លូវជាតិលេខ៣ ផ្លូវចោមចៅ និងមហាវិថីសហព័ន្ធរុស្ស៊ី ចេញចូលមករាជធានីភ្នំពេញមិនឱ្យមានកកស្ទះ។
«កន្លងមកយើងមានជម្រើសនៃគំនូសស្ពាន ដើម្បីពិចារណាថា តើជម្រើសណាមួយដែលកាត់បន្ថយការកកស្ទះបានល្អប្រសើរ ហើយមិនមានផលប៉ះពាល់ច្រើន។ កិច្ចប្រជុំកាលពីថ្ងៃទី១៤ សាលារាជធានីភ្នំពេញបានសម្រេចចុងក្រោយហើយថា យកគម្រោងមួយដែលផលប៉ះពាល់មានតិចតួចបំផុត ។ ការងារសេសសល់តិចតួចទេ គឺយើងបន្តដោះស្រាយលើគម្រោងនេះជាមួយនឹងអគ្គិសនីកម្ពុជា និងរដ្ឋាករទឹក។ ដូច្នេះការដ្ឋានសាងសង់អាចចាប់ផ្ដើមមុនឬក្រោយបុណ្យចូលឆ្នាំខ្មែរ។ នៅសល់ពេលប្រហែលពីរខែទៀតយើងនឹងស្រូតបញ្ចប់កិច្ចការងារនេះ»។ លោក ម៉េត មាសភក្តី បន្ថែម។
ចុះឈ្មោះដើម្បីរកលុយតាមរយះ LEGITIMONEY.COM ទទួលលុយបានពិតពិត (សូមចុចអក្សរពណ័ខៀវនេះ) ខ្មែរស្រលាញ់ខ្មែរ
លោក ភក្តី មិនបានបញ្ជាក់ពីទំហំទឹកប្រាក់ និងរយៈពេលនៃការសាងសង់បានទេ ពោលគឺត្រូវរង់ចាំរហូតដល់ពេលបើកការដ្ឋានសាងសង់ទើបអាចបញ្ជាក់បាន។
បច្ចុប្បន្ននេះ នៅក្នុងរាជធានីភ្នំពេញមានស្ពានអាកាសចំនួន ៥កន្លែង គឺស្ពានអាកាសក្បាលថ្នល់ នៅអតីតរង្វង់មូលក្បាលថ្នល់ ស្ពានអាកាសស្ទឹងមានជ័យ ស្ពានអាកាស៧មករា ស្ថិតនៅស្តុបពេទ្យលោកសង្ឃ និងស្ពានអាកាស៥មករា ស្ថិតនៅស្ដុបតិចណូ ហើយបច្ចុប្បន្នសំណង់ស្ពានអាកាស មួយនៅស្តុបផ្សារដីហុយក៏ស្ថាបនាជិតរួចរាល់ហើយដែរ៕
អត្ថបទ៖ សុផល
No comments:
Post a Comment