លោកប្រធានាធិបតីសហរដ្ឋអាមេរិក ដូណាល់ ត្រាំ អាចត្រូវបានសារព័ត៌មានជាច្រើន ចាត់ទុកជាប្រធានាធិបតីពោរពេញដោយភាពចម្រូងចម្រាស ដោយសារការប្រើពាក្យពេចន៍ឆៅ គ្មានភាសាការទូត ឬការដាក់ចេញនូវគោលនយោបាយប្លែកៗរបស់លោកជាដើម។
ទោះជាយ៉ាងណា មុនក្លាយជាប្រធានាធិបតីប្រទេសមហាអំណាចសេដ្ឋកិច្ចពិភពលោកទី ១ លោកគឺជាអ្នកជំនួញមួយរូបដ៏ជោគជ័យ។ ខាងក្រោមនេះ ជាសម្រង់សំដីទាក់ទិននឹងវិស័យមុខជំនួញទាំង ៩ឃ្លាល្បីៗ របស់លោក ដែលលោកអ្នកអាចយកទៅគិតពិចារណា៖
៩. ពេលខ្លះការវិនិយោគទុនដ៏ល្អបំផុតរបស់អ្នក គឺជាការវិនិយោគទុន ដែលអ្នកមិនបានធ្វើ។
៨.ភាពខុសគ្នារវាង អ្នកជោគជ័យ និងអ្នកបរាជ័យ គឺស្ថិតលើភាពប៉ិនប្រសប់ក្នុងការដោះស្រាយបញ្ហារបស់អ្នកទាំងនោះ ទៅនឹងការផ្លាស់ប្ដូរថ្មីក្នុងជីវិត។
៧.សេចក្ដីក្លាហាន មិនមែនជាអវត្តមាននៃការភ័យខ្លាចនោះឡើយ។ ផ្ទុយទៅវិញ វាគឺជាសមត្ថភាពមួយដែលអាចឲ្យមនុស្សធ្វើការប្រកបដោយប្រសិទ្ធភាព បើទោះជាមានភាពភ័យខ្លាចក្នុងខ្លួនយ៉ាងណាក៏ដោយ។
៦.គ្មានរបស់ ឬគោលដៅដ៏អស្ចារ្យណាក្នុងលោក អាចសម្រេចបានដោយគ្មានឆន្ទៈនោះទេ។
៥.នៅចុងបញ្ចប់ ភាពជោគជ័យរបស់អ្នក មិនមែនត្រូវបានវាស់លើ ការខិតខំប្រឹងប្រែងខ្លាំងរបស់អ្នកឡើយ។ អ្វីដែលអ្នកអាចសម្រេចបានទៅវិញទេ ដែលជាកត្តាកំណត់ភាពជោគជ័យរបស់អ្នក។
៤.គិតឲ្យធំ ហើយធ្វើឲ្យបាន។
៣.ស្ដាប់តាមអារម្មណ៍របស់អ្នកមុននឹងសម្រេចចិត្តអ្វីមួយ បើទោះជាការសម្រេចចិត្តនោះ មើលទៅហាក់ដូចជាល្អណាស់យ៉ាងណាក៏ដោយ។
២.ខ្ញុំព្យាយាមរៀនសូត្រពីអតីតកាល ប៉ុន្តែខ្ញុំគ្រោងផែនការទៅថ្ងៃអនាគតរបស់ខ្ញុំ ដោយផ្អែក ១០០% លើអ្វីដែលកើតឡើងនាពេលបច្ចុប្បន្ន។
១.មើល ស្ដាប់ និងរៀនសូត្រ។ អ្នកមិនអាចចេះអ្វីៗគ្រប់យ៉ាងនោះទេ។ បើសិនជាមានអ្នកដែលគិតថាខ្លួនឯងចេះគ្រប់យ៉ាង អ្នកហ្នឹងហើយនឹងស្ថិតក្នុងភាពអន់ខ្សោយអស់មួយជីវិត៕
No comments:
Post a Comment