News Update: អគ្គិភ័យដែលឆេះផ្ទះប្រជាពលរដ្ឋយ៉ាងសន្ធោសន្ធៅ នៅសង្កាត់ទឹកថ្លា ខណ្ឌសែនសុខ បានរលត់ហើយ ដោយបំផ្លាញផ្ទះជាង១៥ខ្នង, សមត្ថកិច្ចប្រើឡានទឹកជាង២០គ្រឿង ដើម្បីបាញ់ពន្លត់

(ភ្នំពេញ)៖ គ្រោះអគ្គិភ័យដែលបានឆាបឆេះផ្ទះប្រជាពលរដ្ឋ នៅតាមផ្លូវលេខ២៧១ ក្មុងសង្កាត់ទឹកថ្លា ខណ្ឌសែនសុខ យ៉ាងសន្ធោសន្ធៅ បានរលត់ទៅវិញហើយ នៅយប់ថ្ងៃទី១៥ ខែមករា ឆ្នាំ២០១៨នេះ ដោយបំផ្លាញផ្ទះរបស់ប្រជាពលរដ្ឋចំនួនខ្នង១៥ខ្នង ដែលជាប្រភេទសំណង់តូចៗ។ នេះជាការបញ្ជាក់របស់លោក ម៉ូវ ម៉ានិត អភិបាលខណ្ឌសែនសុខ។

សម្រាប់ប្រតិបត្តិការពន្លត់អគ្គិភ័យដ៏គ្រោះថ្នាក់នេះ កម្លាំងសមត្ថកិច្ច និងអាជ្ញាធរ បានប្រើប្រាស់រថយន្តពន្លត់អស់ជាង២០គ្រឿង ដើម្បីបាញ់ពន្លត់តែ តែមូលហេតុនោះនៅមិនទាន់ដឹងនៅឡើយទេ។

ភ្នាក់ងារព័ត៌មាន Fresh News ដែលកំពុងយកព័ត៌មានផ្ទាល់នៅទីនោះ បានរាយការណ៍ថា គ្រោះអគ្គិភ័យនេះមិនបានធ្វើឲ្យប៉ះពាល់ដល់ជីវិតប្រជាពលរដ្ឋ ណាម្នាក់នោះទេ គ្រាន់តែបំផ្លាញផ្ទះ និងទ្រព្យសម្បត្តិ តែមិនទាន់ដឹងពីទំហំ នៃការខូចខាតនោះទេ ខណៈអាជ្ញាធរ និងសមត្ថកិច្ចកំពុងធ្វើរបាយការណ៍បន្តទៀត។

សូមបញ្ជាក់ថា នៅរសៀលថ្ងៃនេះ ក៏មានគ្រោះអគ្គិភ័យមួយកើតបានកើតឡើងផងដែរ នៅជិតសាលាខណ្ឌដូនពេញ សង្កាត់ផ្សារចាស់ ដោយបណ្តាលឲ្យក្មេង២នាក់ រងរបួសផងដែរ ដោយសារតែម្តាយមីង បានទុកឲ្យនៅក្នុងផ្ទះ ហើយចាក់សោពីក្រៅ នេះសំណាងល្អហើយ ដែលក្រុមសន្តិសុខសាលាខណ្ឌជួយទាន់ បើមិនដូច្នោះទេ អាចប៉ះពាល់ដល់ជីវិតជាក់ជាមិនខានឡើយ៕

No comments:

Post a Comment

អត្ថបទពេញនិយម