លោកអាប្រាហាំលីនខូន (ប្រធានាធិបតីទី១៦នៃសហរដ្ឋអាមេរិក) ត្រូវបានគេចាត់ទុកជាប្រធានាធិបតីដ៏អស្ចារ្យមួយរូបក្នុងចំណោមប្រធានាធិបតីខ្លាំងៗនៅក្នុងពិភពលោក។លោកជាទស្សនវិទូមួយដែលក្លាយខ្លួនរហូតមកជាអ្នកដឹកនាំនិងអ្នកតំណាងនៃអ្នកដឹកនាំរបស់សហរដ្ឋអាមេរិក។
លោកបានបន្សល់នៅសុភាសិតមួយចំនួនដែលជាការអប់រំដល់អ្នកជំនាន់ក្រោយៗ៖
1. “Avoid popularity if you would have peace” មានន័យថា ភាពល្បីល្បាញអាចធ្វើឲ្យយើងរស់នៅមិនបានសុខ ព្រោះអ្នកដែលមានប្រជាប្រិយ ឬល្បីល្បាញតែងតែមានគេច្រណែនឈ្នានីស។
2. “Destroy my enemies when I make them my friends” មានន័យថា អ្នកណាក៏ដោយសុទ្ធតែជាមិត្តនឹងយើងប្រសិនបើយើងរាប់អានគេជាមិត្ត ហើយបញ្ចប់ភាពជាសត្រូវ។ ការមិនចង់គំនុំ ហើយយកសត្រូវជាមិត្តនោះយើងនឹងយកឈ្នះចិត្តគេ។
3. “I don't like that man, I must get to know him better” មានន័យថា យើងគួរតែព្យាយាមស្គាល់ពីមនុស្សដែលយើងមិនចូលចិត្តឲ្យកាន់តែច្បាស់។ ពេលខ្លះយើងមិនចូលចិត្ត ឬស្អប់គេដោយសារតែយើងមិនបានដឹងនិងយល់ពីមនុស្សម្នាក់នោះថាគេជាមនុស្សបែបណាឲ្យច្បាស់។ គេអាចជាមនុស្សដែលមិនមែនដូចយើងគិតក៏ថាបាន។
4. “I will prepare and someday my chance will come” យើងគួរតែត្រៀមខ្លួនជានិច្ច នៅពេលដែលឱកាសរបស់យើងមកដល់ យើងនឹងអាចចាប់វាបានដោយស្រួល។
5. “I walk slowly, but I never walk backward” ត្រូវដើរទៅមុខជានិច្ចទោះជាយឺតបន្តិចក្ដី តែត្រូវចាំ កុំដើរបកក្រោយឲ្យសោះ។
6. “If there is anything that man can do well, I say, let him do it. Give him a chance” បើអ្នកជួបមនុស្សដែលមានសមត្ថភាពធ្វើអ្វីមួយបានល្អ ត្រូវលើកទឹកចិត្តគេឲ្យបន្តធ្វើ។ មនុស្សដែលមានសមត្ថភាពត្រូវឲ្យឱកាសគេបញ្ចេញសមត្ថភាព។
7. “People are just happy as they make up their mind to be” មនុស្សតែងមានទុក្ខច្រើនជាងសេចក្ដីសុខ បើអ្នកនៅតែអោបទុក្ខហើយមិនធ្វើឲ្យខ្លួនឯងសប្បាយ មួយជីវិតនេះអ្នកគ្មានថ្ងៃបានសុខឡើយ។ ត្រូវធ្វើឲ្យអារម្មណ៍ខ្លួនឯងសប្បាយជានិច្ច។
8. “Whatever you are, be a good one” មិនខ្វល់ថាអ្នកជាសេដ្ឋី អ្នកមាន អ្នកក្រ ឬជាមនុស្សល្បីល្បាញអ្វីនោះឡើយអ្នកត្រូវតែប្រកាន់គោលជំហរថាអ្នកត្រូវធ្វើជាមនុស្សល្អម្នាក់។ មនុស្សល្អអាចយកឈ្នះអ្វីគ្រប់បែបយ៉ាងនិងអ្ក្នកផងស្រឡាញ់រាប់អាន។
ដកស្រង់ចេញពីសៀវភៅ Special Advice for Successful Living រៀបរៀងដោយ ព្រះតេជគុណ គូ សុភាព និង លោកតាបណ្ឌិត កុល ផេង។
អត្ថបទ៖ Som Samdaneath
 ត្រូវបានគេចាត់ទុកជាប្រធានាធិបតីដ៏អស្ចារ្យមួយរូបក្នុងចំណោមប្រធ...&p[url]=https://kamsan2free.blogspot.com/2018/01/blog-post_25.html&p[images][0]=http://cdn.sabay.com/cdn/media.sabay.com/media/sabay_der/campaign/Daneath/abrahamm_large.jpg){kind=link}
 ត្រូវបានគេចាត់ទុកជាប្រធានាធិបតីដ៏អស្ចារ្យមួយរូបក្នុងចំណោមប្រធ...){kind=link}
No comments:
Post a Comment