យោងតាមគណនីហ្វេសបុករបស់លោក គង់ វុទ្ធី បានឲ្យដឹងថា៖ នៅថ្ងៃ ចន្ទ ១៣ រោច ខែជេស្ឋ ឆ្នាំច សំរិទឹ្ឋិស័កពស ២៥៦២ ត្រូវនឹងថ្ងៃទី១១ ខែ មិថុនា ឆ្នាំ២០១៨ សកម្មភាពមន្រ្តីកាំកុងត្រូលផែស្ងួតទីភ្នំពេញ និងមន្រ្តីកុងត្រូលរាជធានីភ្នំពេញ សហការជាមួយមន្រ្តីមន្ទីរពាណិជ្ជកម្ម គណៈកម្មការផ្សារអូរឬស្សីខណ្ឌ៧មករា ចុះត្រួតពិនិត្យទំនិញស្រាវជ្រាវទប់ស្កាត់នូវទំនិញខូចគុណភាព ដែល ជនខិលខូចមួយចំនួនលួច បញ្ចេញមកលក់ ចែកចាយ លើទីផ្សារ ។
យើងបានធ្វើតេស្តបឋមរកសារធាតុគីមីហាមឃាត់ទៅលើទំនញដែលសង្ស័យមានហានិភ័យខ្ពស់ ដូចជា អំបិលអីយ៉ូដ សរសៃមីលឿង ប្រហិតសាច់គោ ជ្រក់ស្ពៃ ជ្រក់ត្រសក់ មឹក បង្គារ ត្រីងៀត ត្រីបង្ហើម សាច់ក្រក បាញ់កាញ់ លត គុយទាវសរសៃធំ គុយទាវសរសៃតូច គ្រឿងសមុទ្រនំស្លឹកស្រស់ នំស្រួយ ។
ជាលទ្ឋផលបានរកឃើញមានសារធាតុគីមីហាមឃាត់បូរ៉ាក់ នៅក្នុង នំស្លឹកស្រស់ និងនំស្រួយបានធ្វើការដកហូតសរុប ៨៦ គីឡូក្រាម កំទេចចោលនៅនិងកន្លែង ហើយបានអញ្ជើញអាជីវករចំនួន ០៦នាក់ និងម្ចាស់សិប្បកម្មចំនួន ០២នាក់មកធ្វើកិច្ចសន្យាបញ្ជប់ការទទួលលក់និងផ្អាកការផលិតជាបណ្តោះអាសន្ន រហូតដល់ធ្វើការកែប្រែគុណភាពហើយ៕
No comments:
Post a Comment