មេដឹកនាំកូរ៉េខាងជើង លោក គីម ជុងអ៊ុន បានទៅដល់ប្រទេសសិង្ហបុរីហើយ នារសៀលថ្ងៃទី ១០ មិថុនានេះ ពោលគឺពីរថ្ងៃមុនជំនួបរវាងប្រធានាធិបតីអាមេរិក លោក ដូណាល់ ត្រាំ។ លោកក៏បានអញ្ជើញទៅស្នាក់នៅក្នុងសណ្ឋាគារលំដាប់ផ្កាយ៥ មួយ ឈ្មោះថា St Regis។ នេះបើតាមការចុះផ្សាយរបស់សារព័ត៌មាន Channel News Asia នៅថ្ងៃទី ១០ មិថុនានេះ។
លោក គីម ជុងអ៊ុន លើកដៃនិងញញឹមទៅកាន់មន្ត្រីរបស់លោក កាលពីពេលកន្លងមក
គួរបញ្ជាក់ថា ជំនួបកំពូលរវាងមេដឹកនាំទាំង២ នឹងត្រូវធ្វើឡើងនៅឯសណ្ឋាគារផ្កាយ៥ Capella នៅលើកោះ Sentosa របស់សិង្ហបុរី នាថ្ងៃទី១២ ខែមិថុនាខាងមុខនេះ។
ចំណែក លោក ដូណាល់ ត្រាំ ក៏ត្រូវបានគេរំពឹងថា នឹងទៅដល់ប្រទេសសិង្ហបុរី នាល្ងាច ឬយប់នេះផងដែរ បន្ទាប់ពី លោកបានចាកចេញពីកិច្ចប្រជុំកំពូល G7 នៅប្រទេសកាណាដា៕
No comments:
Post a Comment