ក្រុមឧទ្ទាមឥស្លាម Daesh បានបង្ហាញការព្រមានចំពោះការរៀបចំព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០១៨ ដែលនឹងធ្វើឡើងនៅក្នុងប្រទេសរុស្ស៊ីជាលើកដំបូង។ សារព្រមាននេះត្រូវបានបង្ហោះចែកចាយនៅលើគណនីបណ្ដាញសង្គម Telegram របស់ក្រុម Daesh ដោយក្នុងនោះមានរូបភាពកាត់ក្បាលកីឡាករល្បីៗជាច្រើនដូចជា Cristiano Ronaldo របស់ព័រទុយហ្គាល់ និង Lionel Messi របស់អាហ្សង់ទីន ជាដើម។
ក្រៅពីរូបភាពកាប់សម្លាប់ និងដាក់ទណ្ឌកម្ម ក្រុមទន្ទាម Daesh ក៏បានបង្ហោះរូបកងកម្លាំងរបស់ខ្លួន ដែលមានបំពាក់អាវុធ និងគ្រាប់បែកពេញខ្លួននៅពហុកីឡដ្ឋាន ឬនៅជិតទីតាំងនៃការប្រកួត World Cup ក្នុងប្រទេសរុស្ស៊ី។
សូមបញ្ជាក់ថា នេះមិនមែនជាលើកដំបូងឡើយដែលក្រុមឧទ្ទាមបានគំរាមសម្លាប់កីឡាករល្បីៗដែលនឹងចូលរួមលេងនៅ World Cup។ កាលពីខែវិច្ឆិកា ឆ្នាំ២០១៧កន្លងទៅ កីឡាករ Messi ធ្លាប់ត្រូវក្រុមឧទ្ទាមគំរាមសម្លាប់ម្ដងរួចមកហើយ។
កីឡាករ Messi និង Ronaldo/ រូបភាព៖ EFE
គួររំលឹកថា រុស្ស៊ីនឹងធ្វើជាម្ចាស់ផ្ទះសម្រាប់ World Cup 2018 ចាប់ពីថ្ងៃទី១៤ ខែមិថុនា ដល់ថ្ងៃទី១៥ ខែកក្កដាខាងមុខ។ រដ្ឋធានី និងទីក្រុងចំនួន ១១របស់រុស្ស៊ី នឹងក្លាយជាទីកន្លែងសម្រាប់ការប្រកួតនេះ ដែលមានដូចជា រដ្ឋធានីមូស្កូ, ទីក្រុង Kaliningrad, St. Petersburg, Volgograd, Kazan, Samara, Nizhny Novgorod, Saransk, Rostov-on-Don, Sochi និងទីក្រុង Ekaterinburg៕
No comments:
Post a Comment