អ្នកចាត់ការ Manchester United លោក Jose Mourinho បាននិយាយថា អ្នកមានខួរពិតជាដឹងថាក្លឹប Manchester United កំពុងស្ថិតក្នុងដំណាក់កាលផ្លាស់ប្ដូរ។
ថ្លែងប្រាប់សារព័ត៌មាន CNN លោក Mourinho បានទទួលស្គាល់អំពីការខឹងសម្បា និងភាពក្រៀមក្រំរបស់អ្នកគាំទ្រ ក្រោយក្លឹបបិសាចក្រហម ត្រូវបានទម្លាក់ដោយក្លឹប Sevilla នៅវគ្គ ១៦ក្រុម ជាង ១សប្ដាហ៍មុន។
ទោះជាយ៉ាងណា អ្នកចាត់ការព័រទុយហ្គាល់បានលើកឡើងថា នៅក្នុងប្រវត្តិសាស្ត្របាល់ទាត់ជុំវិញពិភពលោក មានក្លឹបធំខ្លះជោគជ័យរហូត ខណៈក្លឹបធំខ្លះទៀតស្ថិតក្នុងដំណាក់កាលផ្លាស់ប្ដូរ។
លោកបាននិយាយទៀតថា Manchester City ឈរលេខ ១ រាល់ថ្ងៃហ្នឹង ដោយសារតែក្លឹបមួយនេះ បានត្រៀមខ្លួនបានគ្រប់គ្រាន់ប៉ុន្មានឆ្នាំចុងក្រោយ។
អ្នកចាត់ការ Mourinho បានគូសបញ្ជាក់ចំៗថា លោកពិតជាចង់ឈរលេខ ១ ណាស់ក្នុងលីគ Premier League ប៉ុន្តែស្ថានភាពការពិតជាក់ស្ដែងគឺវាមិនអាច ពីព្រោះក្លឹប Manchester United ស្ថិតក្នុងដំណាក់កាលផ្លាស់ប្ដូរ។ "អ្នកមានខួរ" ពោលគឺអ្នកមានចំណេះដឹងខាងបាល់ទាត់ គួរតែមើលឃើញការពិតមួយនេះ។ លោកបន្ថែម។
សូមបញ្ជាក់ផងដែរថា ក្រោយ Manchester United ត្រូវបានទម្លាក់ពី Champions Leagueដោយ Sevilla លោក Mourinho បានរងការទិតៀនជាច្រើនពីសំណាក់អ្នកគាំទ្រ និងប្រព័ន្ធផ្សព្វផ្សាយថាលេងបែបការពារពេក។
ការថ្លែងរបស់លោកក្នុងបទសម្ភាសន៍ជាមួយ CNN នេះ គឺ បន្ថែមពីលើការបកស្រាយរយៈពេល ១២ នាទីរបស់លោកកាលពីសប្ដាហ៍មុន ដោយបានសង្កត់ធ្ងន់ថា ក្លឹបបិសាចក្រហមកំពុងស្ថិតក្នុងដំណាក់កាលផ្លាស់ប្ដូរ ដើម្បីកសាងខ្លួនឲ្យក្លាយជាក្លឹបខ្លាំងឡើងវិញ។
ក្រោយលោក Alex Ferguson បានបញ្ចប់ការដឹកនាំរយៈពេល ២៧ឆ្នាំ របស់លោកក្នុងឋានៈជាអ្នកចាត់ការក្លឹបបិសាចក្រហមកាលពីពាក់កណ្ដាលឆ្នាំ ២០១៣ ក្លឹបមិនដែលបានឈ្នះ Premier League សូម្បីម្ដងឡើយ។ តាំងពីពេលនោះមក ក្លឹបបានប្ដូរអ្នកចាត់ការចំនួន ៤ លើក និងបានចាយលុយរាប់លានផោន ក្នុងការនាំចូលកីឡាករថ្លៃៗ៕
BREAKING NEWS: កងកម្លាំងមួកខៀវកម្ពុជា នៅប្រទេសម៉ាលី រងការវាយប្រហារជាថ្មី ដោយក្រុមមិនស្គាល់អត្តសញ្ញាណ ប៉ុន្តែគ្មានអ្នករបួសទេ
ធ្លាយទិដ្ឋភាពកន្លែងលក់សត្វឆ្មានៅវៀតណាម ឃើញហើយរំជួលចិត្តគ្រប់គ្នា (មានវីដេអូ)
No comments:
Post a Comment