ទីបំផុតតារាចម្រៀង ខេមរៈ សិរីមន្ត ដែលបានលាក់កំបាំងរឿងស្នេហារបស់លោកជាច្រើនឆ្នាំមកហើយនោះ ត្រូវបានប្រភពច្បាស់ការមួយបានទម្លាយឲ្យដឹងអស់ហើយនៅព្រឹកនេះ ដោយមានទាំងរូបថតភរិយា និងកូនទាំង២របស់លោក។
តាមប្រភពសូមមិនបញ្ចេញឈ្មោះ បានរាយការណ៍មក Sabay ថា ភរិយារបស់ តារាចម្រៀង ខេមរៈ សិរីមន្ត មានឈ្មោះ ផល្លី វ័យ៣០ឆ្នាំស្ដើង គឺជាអ្នកស្រុកកំណើត ក្នុងខេត្តកំពង់ចាម ដូចទៅនឹង លោក ខេមរៈ សិរីមន្ត។ អ្នកទាំងពីរបានរៀបការជាច្រើនឆ្នាំមកហើយ ថែមទាំងមានសំបុត្រអាពាហ៍ពិពាហ៍ជាមួយគ្នាទៀត។
អ្នកនាង ផល្លី
បច្ចុប្បន្នលោក ខេមរៈ សិរីមន្ត ទទួលបានកូន២នាក់ ប្រុស១ ស្រី១ កូនប្រុសឈ្មោះ ខេមរៈ មន្តស្នេហ៍ វ័យប្រហែល៥ឆ្នាំ និងកូនស្រីឈ្មោះ ខេមរៈ ស្ត្រី វ័យជាង២ឆ្នាំ។ តាមប្រភពដែលសូមមិនបញ្ចេញឈ្មោះបានបន្តឲ្យដឹងថា តាំងពីរៀបការមក លោក ខេមរៈ សិរីមន្ត មិនឲ្យភរិយារបស់លោកធ្វើអ្វីឡើយ គឺឲ្យនៅតែផ្ទះចាំមើលតែថែកូន ដោយផ្ទះរបស់លោក ស្ថិតនៅទល់មុខវត្ត សំរោងអណ្ដែត។
ជុំវិញដំណឹងនៃការធ្លាយរូបភាពខាងលើ Sabay មិនអាចទាក់ទងតារាចម្រៀង ខេមរៈ សិរីមន្ត ដើម្បីបកស្រាយលម្អិតបានឡើយ ត្បិតអីទូរស័ព្ទរបស់លោកខល មិនចូលឡើយ៕
អត្ថបទៈ ស៊ុនហួត
No comments:
Post a Comment