នៅតាមដងផ្លូវក្នុងទីក្រុងនៃប្រទេសសិង្ហបុរី វិថីមានចម្ងាយឆ្ងាយ ហើយគ្មានទិសបំបែក គេបានដំឡើងភ្លើងស្តុបពិសេសមួយប្រភេទសម្រាប់ឲ្យអ្នកថ្មើរជើងងាយស្រួលឆ្លង និងមិនបង្កគ្រោះថ្នាក់។
ក្រុមការងាររបស់ Sabay បានចុះទៅដល់ផ្ទាល់សង្កេតឃើញថា ប្រភេទស្តុបនេះ មានលក្ខណៈពិសេសប្លែកមួយគឺ ប្រសិនបើអ្នកថ្មើរជើងចង់ឆ្លងផ្លូវដែលមានរថយន្ត ម៉ូតូ ចរាចរយ៉ាងមមាញឹកនោះ លុះត្រាតែចុចលើបង្គោលភ្លើងស្តុបមានប៊ូតុងមួយដាក់នៅចំហៀងផ្លូវ ហើយរង់ចាំបន្តិចប្រហែលជា ១០វិនាទីនោះ ភ្លើងស្ដុបនឹងលោតទៅជាពណ៌ខៀវ សម្រាប់អ្នកដើរឆ្លង។ ប៉ុន្តែបើមិនបានចុចទេ អ្នកដំណើរថ្មើរជើងនឹងត្រូវឈរចាំ។
(សញ្ញាប៉ូតុុងចុចពណ៌ក្រហមនៅខាងស្ដាំ)
ដោយឡែកនៅតំបន់ខ្លះ គេដំឡើងស្ពានអាកាសឲ្យអ្នកថ្មើរជើងឆ្លង ឯតំបន់ខ្លះគេដាក់ភ្លើងស្តុបប្រភេទនេះជំនួស។ យ៉ាងណាក្ដី មិនមែនមានតែប្រទេសសិង្ហបុរីនោះទេ ប្រទេសជឿនលឿនដទៃទៀត ក៏បានដំណើរការភ្លើងស្តុបទំនើបបែបនេះដែរ។
ងាកមកដងវិថីនៅក្នុងព្រះរាជាណាចក្រកម្ពុជាឯណេះវិញ បច្ចុប្បន្នរដ្ឋបាលរាជធានី និងមន្ទីរសាធារណការ សហការជាមួយសហប្រតិបត្តិការ JICA ដំឡើងភ្លើងស្តុបដើរដោយបច្ចេកវិជ្ជាថ្មី អាចបញ្ជាបាននៅតំបន់មានការកកស្ទះខ្លាំង ក៏ដូចជាបង្កើតស្ពានអាកាសថ្មើរជើងសម្រាប់អ្នកដំណើរឆ្លងកាត់ផងដែរ។ ប្រសិនបើកម្ពុជា មានដំឡើងប្រភេទស្តុបនេះឲ្យអ្នកថ្មើរជើងនៅតំបន់ទេសចរណ៍នានានោះ ប្រាកដជាជួយលើកកម្ពស់សុវត្ថិភាពអ្នកថ្មើរជើង និងកាត់បន្ថយគ្រោះថ្នាក់តាមដងវិថី៕
https://spdyfl.com/c44m
No comments:
Post a Comment