ខ្សែបម្រើ Ivan Rakitic ក្នុងថ្ងៃនេះ បាននិយាយថា ខ្លួនសង្កេតឃើញថាមិត្តរួមក្រុម ខ្សែប្រយុទ្ធ Lionel Messi ប្រឹងហ្វឹកហាត់កាន់តែខ្លាំងមួយរយៈចុងក្រោយ។
ថ្លែងមុនជំនួប Chelsea-Barcelona ជើងទី១ Champions League កីឡាករក្រូអាតបាននិយាយថា៖ "ការពិតទៅ Messi ពិតជាខំយកចិត្តទុក និងប្រឹងប្រែងហ្វឹកហាត់ណាស់"។
ខ្សែបម្រើ Rakitic បន្ត៖ "ខ្ញុំមិនដឹងទេ ប៉ុន្តែបើតាមគំនិតខ្ញុំ ខ្ញុំមិនដែលឃើញគេ ប្រឹងហ្វឹកហាត់ និងប្រុងប្រៀបខ្លួនលើកណាខ្លាំងជាងលើកហ្នឹងទេ"។
ក្នុងរដូវកាលនេះ ខ្សែប្រយុទ្ធ Lionel Messi បានលេងស្ទើរគ្រប់ប្រកួតឲ្យក្លឹបអ្នកមានបុណ្យ Barcelona និងស៊ុតបាន ២៧គ្រាប់ហើយ គិតមកទល់ពេលនេះ។
សូមបញ្ជាក់ផងដែរថា Messi មិនដែលស៊ុតចូលសូម្បីមួយគ្រាប់ ពេលប៉ះ Chelsea ក្នុងជំនួប Champions League ៨ លើកចុងក្រោយ។
Chelsea នឹងបើកទ្វារស្វាគមន៍ក្លឹបអ្នកមានបុណ្យ ក្នុងជំនួបជើងទី ១ Champions League វគ្គ ១៦ក្រុម នៅប៉ុន្មានម៉ោងខាងមុខនេះ៕
No comments:
Post a Comment