ប្រសិនបេីអ្នកមានគម្រេាងជិះយន្តហោះធ្វេីដំណេីរទៅប្រទេសក្រៅជាលេីកដំបូង អត្ថបទនេះនឹងមានអត្ថប្រយោជន៍សម្រាប់អ្នកជាមិនខាន។ ការជិះយន្តហោះជាលេីកដំបូងប្រហែលជាធ្វេីឲ្យអ្នកមានអារម្មណ៍ព្រួយបារម្តបន្តិចហេីយ ប៉ុន្តែវាមិនពិបាកដូចអ្នកគិតនេាះទេ។ សប្បាយដេីរនឹងផ្តល់នូវគន្លឹះមានប្រយោជន៍ខ្លះៗសម្រាប់ការជិះយន្តហេាះលេីកដំបូង។
១. មកដល់ព្រលានយន្តហោះឲ្យបាន២ម៉េាងមុន
ជាធម្មតា ២ម៉េាងមុនពេលដែលជេីងយន្តហោះធ្វេីការចេញដំណេីរ កន្លែង Check-in នឹងបេីកទទួលឥវ៉ាន់ និងចេញសំបុត្រយន្តហោះឲ្យអ្នក។ ដូចនេះ យកល្អគួរទៅដល់ព្រលានយន្តហោះ២ម៉ោងមុន ដេីម្បីជៀសវាងការយឺតយ៉ាវ។
២. យកប៊ិចទៅតាមខ្លួន
បន្ទាប់ពីបានទទួលសំបុត្រយន្តហោះហេីយ អ្នកនឹងត្រូវឆ្លងកាត់កន្លែងពន្ធដារដេីម្បីបង្ហាញនូវលិខិតឆ្លងដែន។ ពេលនេាះដែរ អ្នកនឹងត្រូវបំពេញឯកសារខ្លះៗ ហេីយយកល្អគួរតែមានប៊ិចផ្ទាល់ខ្លួនមួយ ព្រោះថានឹងមានមនុស្សច្រេីនប្រេីប៊ិចសាធារណៈដែលគេទុកឲ្យ។
៣. ជៀសវាងដាក់គ្រឿងអេឡិចត្រូនិកជាប់ខ្លួនច្រេីន
បន្ទាប់ពីនេះ អ្នកនឹងត្រូវឆ្លងកាត់ការពិនិត្យខ្លួនប្រាណ និងឥវ៉ាន់។ ដូចនេះគួរជៀសវាងដាក់គ្រឿងអេឡិចត្រូនិកជាប់ខ្លួនច្រេីន ព្រេាះវានឹងធ្វេីឱ្យអ្នកយឺតយ៉ាវ និងពិបាកក្នុងការទុកដាក់។
៤. ស្វែងរកលេខច្រកទ្វារ (Gate) ជេីងយន្តហេាះ
ក្រេាយមក អ្នកត្រូវរកលេខច្រកទ្វារ (Gate) ជេីងយន្តហេាះដែលគេបានដាក់នៅលេីសំបុត្រយន្តហេាះអ្នកតែម្តង។
៥. ពេលនៅក្នុងយន្តហេាះ
ពេលនៅក្នុងយន្តហេាះ អ្នកត្រូវគេារពតាមអ្វីដែលអ្នកបេីកយន្តហេាះបានប្រកាស ដូចជាពាក់ខ្សែក្រវ៉ាត់និ ងបិទគ្រឿងអេឡិចត្រូនិកជាដេីម។
អត្ថបទ៖ Kimteng Pech
No comments:
Post a Comment