ចាប់តាំងពីដាក់ពាក្យប្ដឹង នី មុន្នីនាថ ទៅកាន់សាលាដំបូងរាជធានីភ្នំពេញកាលពីថ្ងៃទី ២៨ ខែ កញ្ញា ឆ្នាំ២០១៧កន្លងទៅ ពីបទឆបោក និងរំលោភលើសេចក្ដីទុកចិត្តរួចមក សាមីខ្លួនដើមបណ្ដឹង រួមទាំងភាគីជាប់ចោទមិនទាន់បានជួបមុខគ្នាតតាំងនៅតុលាការនៅឡើយទេមកដល់ពេលនេះ។
រូបភាព ដោយ អ៊ឹង សូឡាង
លោក អ៊ឹង សូឡាង បានឲ្យដឹងថា ខ្លួនបានត្រៀមសំបុត្រយន្តហោះ ព្រមទាំងឯកសារមួយចំនួនមកកម្ពុជានៅសប្ដាហ៍ក្រោយនេះហើយ ដើម្បីតស៊ូក្ដីជាមួយ កញ្ញា នី មុន្នីនាថ អតីតគូដណ្ដឹង។ ដំណើរមកកម្ពុជាលើកនេះ លោកមិនបានកំណត់រយៈពេលនោះទេ លុះត្រាតែរឿងក្ដីរវាងខ្លួន និង នី មុន្នីនាថ ត្រូវបានបញ្ចប់រួចរាល់ទើបត្រលប់ទៅអាមេរិកវិញ។
អតីតគូដណ្ដឹង នី មុន្នីនាថ ថា៖" ខ្ញុំនឹងឡើងយន្តហោះទៅកម្ពុជានៅថ្ងៃទី ២២ ខែ មករា ឆ្នាំ ២០១៨ នេះហើយ ពាក់ព័ន្ធរឿងក្ដីខ្ញុំ និង អានាថ ហើយរឿងក្ដីនេះខ្ញុំជឿជាក់ថា ខ្ញុំនឹងឈ្នះគាត់ជាក់ជាពុំខាន"។
ចំណែកឯកញ្ញា នី មុន្នីនាថ វិញកន្លងមកមេធាវីនាងក៏ធ្លាប់អះអាងថា កូនក្ដីខ្លួននឹងឈ្នះក្ដីលើបណ្ដឹងឆបោក ព្រោះកូនក្ដីរបស់លោកតែរងភាពអាម៉ាស់ និងក្លាយជាមេម៉ាយឥតខាន់ស្លាទៅវិញ ចំពោះបណ្ដឹងនេះ បានធ្វើឱ្យប៉ះពាល់ដល់ជីវភាពប្រចាំថ្ងៃ ក៏ដូចជាកេរ្តិ៍ឈ្មោះនៅក្នុងសង្គម៕
រូបភាព ដោយ អ៊ឹង សូឡាង
អត្ថបទ៖ ឆុង ស៊ីណាន
No comments:
Post a Comment